Bandaru: గుంటూరు నగరంపాలెం పోలీస్‌స్టేషన్‌కు మాజీ మంత్రి బండారు

గుంటూరు:  ఏపీ సీఎం జగన్‌, మంత్రి రోజా పట్ల అభ్యంతరకర వ్యాఖ్యలపై కేసులు నమోదు కావడంతో మాజీ మంత్రి బండారు సత్యనారాయణను పోలీసులు అరెస్ట్‌ చేసిన విషయం తెలిసిందే. మంగళవారం తెల్లవారుజామున ఆయన్ను పోలీసులు గుంటూరు తీసుకొచ్చారు. వైద్య పరీక్షలు చేయించకుండానే ఆయన స్వగ్రామం వెన్నెలపాలెం నుంచి గుంటూరులోని నగరంపాలెం పోలీస్‌ స్టేషన్‌కు తీసుకొచ్చారు.

తెదేపా నేత బండారు అరెస్టు.. 22 గంటల పాటు నాటకీయ పరిణామాలు

ఆదివారం రాత్రి 10 గంటల నుంచి బండారు సత్యనారాయణమూర్తి వెన్నెలపాలెంను చుట్టుముట్టిన పోలీసులు దాదాపు 22 గంటల పాటు ఆ ప్రాంతాన్ని పూర్తిగా తమ ఆధీనంలో ఉంచుకుని చివరికి సోమవారం రాత్రి ఆయన్ను అరెస్టు చేశారు. మంత్రి రోజాపై ఆయన అనుచిత వ్యాఖ్యలు చేశారంటూ గుంటూరులో బడి మంజుల చేసిన ఫిర్యాదుపై నమోదైన కేసులో బండారును అరెస్టు చేశారు.