Updated : 03 Oct 2021 09:55 IST

‘అధికారమంటే ఏంటో చూపించారు’.. గడ్కరీపై పవార్‌ ప్రశంసలు

పుణె: కేంద్ర ఉపరితల రవాణా శాఖ మంత్రి నితిన్ గడ్కరీపై నేషనలిస్ట్‌ కాంగ్రెస్‌ పార్టీ (NCP) అధినేత శరద్‌ పవార్‌ ప్రశంసలు గుప్పించారు. అధికారాన్ని ఉపయోగించుకుని అభివృద్ధి పనులు ఎలా చేయాలో ఆయన చేసి చూపించారని కొనియాడారు. ఈ మేరకు అహ్మద్‌నగర్‌లో జరిగిన కార్యక్రమంలో గడ్కరీతో వేదిక పంచుకున్నారు. అనంతరం మాట్లాడుతూ గడ్కరీని ప్రశంసల్లో ముంచెత్తారు.

అహ్మద్‌నగర్‌లో సుదీర్ఘంగా పెండింగ్‌లో ఉన్న ప్రాజెక్టులను గడ్కరీ త్వరలో ప్రారంభించబోతున్నారని తెలిసి ఈ కార్యక్రమానికి హాజరయ్యానని పవార్‌ తెలిపారు. ప్రజాప్రతినిధి తన అధికారాన్ని దేశాభివృద్ధికి ఎలా ఉపయోగించాలో గడ్కరీ నిరూపించారని కొనియాడారు. గడ్కరీ రవాణాశాఖ మంత్రిగా బాధ్యతలు చేపట్టేనాటికి 5000 కిలోమీటర్ల మేర పనులు పూర్తవ్వగా.. ఆ తర్వాత ఆ సంఖ్య 12వేల కిలోమీటర్లకు చేరిందని చెప్పారు. చెరకు రైతులు తమ పంటను కేవలం చక్కెర తయారీకే కాకుండా ఇథనాల్‌ ఉత్పత్తికి ముడిసరకుగా కూడా వినియోగించొచ్చన్న దిశగా ఆలోచన చేయాలని పవార్‌ సూచించారు.


Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని