నిరూపిస్తే రాజీనామా చేస్తా: ఆర్కే

తాడేపల్లి: రాజధాని అమరావతి ప్రాంతం నీరుకొండలో తనకు 5 ఎకరాల భూమి ఉన్నట్లు నిరూపిస్తే ఎమ్మెల్యే పదవికి రాజీనామా చేస్తానని మంగళగిరి ఎమ్మెల్యే ఆళ్ల రామకృష్ణారెడ్డి సవాల్‌ విసిరారు. తాడేపల్లిలో ఏర్పాటు చేసిన మీడియా సమావేశంలో ఆర్కే మాట్లాడుతూ...తన భార్య పేరిట ఐదెకరాల భూమి ఉందని నిరూపిస్తే శాశ్వతంగా రాజకీయాల నుంచి తప్పుకుంటానని ప్రకటించారు. వెంటనే ఆభూమిని వారికే రిజిస్ట్రేషన్ చేస్తానన్నారు. తెదేపా నేత బోండా ఉమా చేసిన ఆరోపణలను ఆయన తిప్పికొట్టారు. చంద్రబాబే రాజధానికి శాపమని ఆరోపించారు. ఐదేళ్లలో చంద్రబాబు ఒక్క శాశ్వత భవనం కూడా కట్టలేదన్నారు. భూములిచ్చిన రైతులకు ప్లాట్లు ఎందుకు ఇవ్వలేదని ప్రశ్నించారు.