మున్సిపల్‌ ఎన్నికల్లో ఒంటరిగానే:కోదండరాం

హైదరాబాద్: మున్సిపల్‌ ఎన్నికల్లో ఒంటరిగానే పోటీ చేస్తున్నట్లు తెజస అధ్యక్షుడు కోదండరాం వెల్లడించారు. దీనికోసం రెండు కమిటీలను వేసినట్లు ఆయన తెలిపారు. ఓటర్ల జాబితాలో అవకతవకలు ఉన్నాయని, ప్రతిపక్షాలను బలహీనపర్చాలనే ఉద్దేశంతోనే వార్డుల విభజన చేశారని ఆయన మండిపడ్డారు. ఈ నెల 8న జాతీయ స్థాయిలో రైతుబంధు కార్యక్రమాన్ని చేపట్టనున్నట్లు కోదండరాం పేర్కొన్నారు. మరోవైపు జేఎన్‌యూలో ముసుగులు ధరించి విద్యార్థులపై దాడి చేయడం దారుణమని కోదండరాం అన్నారు. జేఎన్‌యూ దాడి ఘటనను తీవ్రంగా ఖండిస్తున్నట్లు చెప్పారు. దాడికి పాల్పడిన వారిపై కఠిన చర్యలు తీసుకోవాలని ఆయన డిమాండ్‌ చేశారు.