మేం ముందే నోటీసులు ఇచ్చాం: యనమల

అమరావతి: శాసన మండలిలో నిబంధనల ప్రకారమే తాము వ్యవహరిస్తున్నామని ప్రతిపక్ష నేత యనమల రామకృష్ణుడు అన్నారు. బిల్లులను సెలెక్ట్‌ కమిటీకి పంపాలని తాము ముందుగానే నోటీసులు ఇచ్చామని చెప్పారు. మండలి వాయిదా సమయంలో మీడియాతో నిర్వహించిన ఇష్టాగోష్ఠిలో ఆయన మాట్లాడారు. వైకాపా నుంచి తాము నిబంధనల గురించి తెలుసుకోవాల్సిన అవసరం లేదన్నారు. ఎస్సీ,  ఎస్టీ కమిషన్ల ఏర్పాటు విషయంలో ముందు నాన్‌ ఫైనాన్స్‌ బిల్లుగా పెట్టి.. ఆ తర్వాత ఏ నిబంధన ప్రకారం ఫైనాన్స్‌ బిల్లుగా మార్చారని ప్రశ్నించారు. మండలిలో తమకు సంఖ్యాబలం ఉందని.. తాము అడిగితే సెలెక్ట్‌ కమిటీ పంపాల్సిందేనన్నారు. అవసరమైతే ఈ అంశంపై ఓటింగ్‌ నిర్వహించుకోవచ్చని చెప్పారు. ఈ విషయంలో మండలి ఛైర్మన్‌కు పూర్తి అధికారాలు ఉన్నాయన్నారు. సభలో మెజార్టీ సభ్యులు ఏం కోరుకుంటే ఛైర్మన్‌ అది చేస్తారని చెప్పారు. ఓటింగ్‌ సమయంలో సభ్యులు కాని మంత్రులను బయటకు పంపాల్సిందేనని యనమల డిమాండ్‌ చేశారు.