కేంద్రానికి ఏపీ మండలి రద్దు తీర్మానం

అమరావతి: ఏపీ శాసనమండలి రద్దు తీర్మానాన్ని రాష్ట్ర ప్రభుత్వం కేంద్రానికి పంపింది. నిన్నరాత్రి అసెంబ్లీలో చేసిన తీర్మాన ప్రతితోపాటు ఓటింగ్‌కు సంబంధించిన వివరాలను, బిల్లులకు సంబంధించిన అంశాలను శాసనసభ సచివాలయం రాష్ట్ర ప్రభుత్వానికి పంపింది. అక్కడి నుంచి వెంటనే రాష్ట్ర ప్రభుత్వం కేంద్ర కేబినెట్‌ కార్యదర్శికి, హోం, న్యాయ శాఖలకు పంపింది. దీనిపై కేంద్ర మంత్రి వర్గంలో తీర్మానం చేసిన అనంతరం రాజ్యాంగ అధికరణ 169(1) ప్రకారం మండలి రద్దుకు పార్లమెంట్‌లో కేంద్రం బిల్లును ప్రవేశపెట్టనుంది.