గాంధీ మాటే నాకు ఆదర్శం: చంద్రబాబు

అమరావతి: జాతిపిత మహాత్మాగాంధీ వర్ధంతి సందర్భంగా ఆయనకు తెదేపా అధినేత చంద్రబాబు నివాళులర్పించారు. ఈ రోజును అమరవీరుల సంస్మరణ దినంగా పాటిస్తున్నామని ట్విటర్‌ వేదికగా తెలిపారు. దేశ ప్రజల సంక్షేమానికి, సమైక్యతకు, శాంతియుత జీవనం కోసం కృషి చేస్తూ ప్రాణాలర్పించిన అమరవీరులందరికీ చంద్రబాబు గౌరవవందనం సమర్పించారు. ‘మన కర్తవ్యాన్ని నిజాయితీగా నిర్వహించడమే దేశసేవ’ అనే గాంధీ సూక్తి తనకు ఆదర్శమని చంద్రబాబు అన్నారు. దేశానికి స్వాతంత్య్రం సాధించి పెట్టటమే కాకుండా, మనిషిని మహాపురుషునిగా చేసే సద్గుణాలను సూచించిన మార్గదర్శకుడు గాంధీజీ అని కొనియాడారు.