లక్ష్మీనారాయణ రాజీనామాపై పవన్‌ స్పందన

అమరావతి: పార్టీకి రాజీనామా చేసిన సీబీఐ మాజీ జేడీ లక్ష్మీనారాయణ భావాలను గౌరవిస్తున్నామని జనసేన అధినేత పవన్‌కల్యాణ్‌ అన్నారు. ఆయన రాజీనామాను ఆమోదిస్తున్నట్లు చెప్పారు. ఈ మేరకు జనసేన పార్టీ ప్రకటన విడుదల చేసింది. ‘‘నాకు సిమెంట్‌ ఫ్యాక్టరీలు, పవర్‌ ప్రాజెక్టులు, గనులు, పాల ఫ్యాక్టరీలులాంటివి ఏమీ లేవు. అధిక వేతనం పొందే ప్రభుత్వ ఉద్యోగినీ కాను. నాకు తెలిసిందల్లా సినిమా ఒక్కటే. నా మీద ఆధారపడి అనేక కుటుంబాలు జీవిస్తున్నాయి. వారికోసం, నా కుటుంబం కోసం, పార్టీకి ఆర్థిక పుష్టి కోసం నాకు సినిమాలు చేయడం తప్పనిసరి. ఇవన్నీ లక్ష్మీనారాయణ తెలుసుకుని తన రాజీనామాలో ప్రస్తావించి ఉంటే బాగుండేది. లక్ష్మీనారాయణ రాజీనామా చేసినప్పటికీ వ్యక్తిగతంగా నాకు, జనసైనికులకు ఆయనపై ఉన్న గౌరవం ఎప్పటికీ అలాగే ఉంటుంది. ఆయనకు శుభాభినందనలు’’ అని పవన్‌ పేర్కొన్నారు.

ఇదీ చదవండి..

జనసేన పార్టీకి షాక్‌!