Published : 27 Feb 2020 23:49 IST

గత ప్రధానులు చెప్పిందే మోదీ చేస్తున్నారు: నడ్డా

సిమ్లా: పౌరసత్వ సవరణ చట్టం (సీఏఏ) గురించి మహాత్మాగాంధీ సహా మాజీ ప్రధానులు ఏం చెప్పారో ప్రస్తుతం ప్రధాని మోదీ అదే అమలు చేస్తున్నారని భాజపా జాతీయ అధ్యక్షుడు జేపీ నడ్డా అన్నారు. హిమాచల్‌ప్రదేశ్‌లోని సోలన్‌లో గురువారం నిర్వహించిన ఓ బహిరంగసభలో ఆయన పాల్గొన్నారు. ఈ సందర్భంగా ఆయన మాట్లాడుతూ.. ‘నరేంద్ర మోదీ ప్రపంచస్థాయి నాయకుడు. అగ్రదేశమైన అమెరికా అధ్యక్షుడు డొనాల్డ్‌ ట్రంప్‌ సైతం మోదీని ప్రశంసించారు. పక్క దేశాల్లోని మైనారిటీలు ఎదుర్కొంటున్న హింసపై గతంలో మాజీ ప్రధానులు నెహ్రూ, ఇందిరాగాంధీ, రాజీవ్‌ గాంధీ, మన్మోహన్‌ సింగ్‌ ఎన్నోసార్లు మాట్లాడారు. వారు చెప్పారు కాబట్టే మోదీ సీఏఏ అమలు చేస్తున్నారు. కేంద్రం తీసుకువచ్చిన కొత్త చట్టం మైనారిటీలకు పౌరసత్వం కల్పిస్తుంది’ అని వెల్లడించారు. 

‘సీఏఏ చట్టం విషయంలో ప్రతిపక్షాలు ప్రజల్ని తప్పుదోవ పట్టిస్తున్నాయి. సిద్ధాంతాల ఆధారంగా పనిచేస్తున్న భాజపా ఎదుగుదలను ఎవరూ ఆపలేరు. నిత్యం ఆత్మవిమర్శ చేసుకునే ఏకైక పార్టీ భాజపా. కాంగ్రెస్‌, ఎస్పీ, బీఎస్పీ, ఎన్సీపీ, తెదేపా, వైకాపా పార్టీలకు కాబోయే అధ్యక్షులెవరో ముందే తెలుస్తుంది. కానీ భాజపాలో అలా ఉండదు. ఇక్కడ తదుపరి పార్టీ చీఫ్‌ ఎవరవుతారో ఎవరికీ తెలియదు. నా కుటుంబం నుంచి ఎవరూ రాజకీయాల్లో లేరు. అయినా నేను భాజపా అధ్యక్షుడిగా ఎదగడమే ఇందుకు ఉదాహరణ’’ అని నడ్డా అన్నారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని