బీసీలపై చిత్తశుద్ధి లేదని అర్థమైంది: చంద్రబాబు

అమరావతి: ఏపీ స్థానిక సంస్థల్లో 59.85 శాతం రిజర్వేషన్లపై హైకోర్టు ఇచ్చిన తీర్పుతో బీసీల పట్ల వైకాపా ప్రభుత్వానికి చిత్తశుద్ధి లేదనే విషయం స్పష్టమైందని తెదేపా అధినేత చంద్రబాబు అన్నారు. తీర్పు వెలువడిన నేపథ్యంలో పార్టీ కేంద్ర కార్యాలయంలో నేతలతో ఆయన సమావేశమై చర్చించారు. అమరావతి రైతులకు అన్యాయం చేసేందుకు న్యాయవాదికి రూ.5 కోట్లు వెచ్చించిన ప్రభుత్వం.. రిజర్వేషన్ల అమలులో మాత్రం సమర్థమైన న్యాయవాదిని పెట్టకుండా కేసును నీరుగార్చిందని ఆరోపించారు. బలహీన వర్గాలు తెదేపాకు అండగా ఉన్నారనే అక్కసు వైకాపాకు ఉందని, అందుకే రాజకీయంగా ఎదగకుండా చేస్తోందని ఆ పార్టీ నేతలు యనమల రామకృష్ణుడు, అచ్చెన్నాయుడు, కొల్లు రవీంద్ర, అనిత తదితరులు మండిపడ్డారు.