లోకేశ్‌ పర్యటన అడ్డుకునేందుకు వైకాపా యత్నం

ఇరువర్గాల మధ్య ఘర్షణ

సీతానగరం: తూర్పుగోదావరి జిల్లా సీతానగరం మండలంలో ప్రజా చైతన్యయాత్రలో పాల్గొనేందుకు వచ్చిన తెదేపా జాతీయ ప్రధాన కార్యదర్శి నారా లోకేశ్‌ పర్యటనను అడ్డుకునేందుకు వైకాపా శ్రేణులు ప్రయత్నించాయి. మునికూడలి వద్దకు కాన్వాయ్‌ రాగానే ‘లోకేశ్‌ గో బ్యాక్‌’ అంటూ వైకాపా కార్యకర్తలు నినాదాలు చేశారు. ర్యాలీలో అత్యధికంగా పాల్గొన్న తెదేపా వర్గీయులు వైకాపా శ్రేణులను ప్రతిఘటించారు. ర్యాలీ పూర్తి చేసి వెళ్లిపోతున్న సమయంలో వైకాపా అడ్డంకులు సృష్టించడం తగదని హెచ్చరించారు. ఈ క్రమంలో ఇరువర్గాల మధ్య ఘర్షణ వాతావరణం తలెత్తింది. పోలీసులు కలగజేసుకొని పరిస్థితిని చక్కదిద్దారు.