సీఎం కేసీఆర్‌కు ఎంపీ కోమటిరెడ్డి లేఖ

హైదరాబాద్‌: పోతిరెడ్డిపాడుపై ఆంధ్రప్రదేశ్‌ ప్రభుత్వం జారీ చేసిన జీవో అమలు కాకుండా చూడాలని కాంగ్రెస్‌ ఎంపీ కోమటిరెడ్డి వెంకట్‌రెడ్డి డిమాండ్‌ చేశారు. ఈ మేరకు సీఎం కేసీఆర్‌కు బహిరంగ లేఖ రాశారు. తక్షణమే పోతిరెడ్డిపాడు పనులు నిలిపివేసేలా చర్యలు తీసుకోవాలన్నారు. కృష్ణా బేసిన్‌లోని రాష్ట్ర ప్రాజెక్టులు పూర్తయ్యేలా చూడాలని లేఖలో కోరారు. రాష్ట్ర ప్రజలకు అన్యాయం జరిగేలా ఏదైనా జరిగితే పోతిరెడ్డిపాడు ఉద్యమాన్ని ఉద్ధృతం చేస్తామని.. చలో పోతిరెడ్డిపాడు ద్వారా సీఎం విధానాలను ఎండగడతామని కోమటిరెడ్డి లేఖలో పేర్కొన్నారు.