‘మంత్రులు దురుద్దేశంతో వ్యవహరించారు’

తెదేపా రాజ్యసభ సభ్యుడు కనకమేడల

అమరావతి: మంత్రులు ఏపీ శాసనమండలిలో దురుద్దేశంతో వ్యవహరించారని తెదేపా రాజ్యసభ సభ్యుడు కనకమేడల రవీంద్రకుమార్‌ ఆరోపించారు. మంగళగిరిలోని పార్టీ కార్యాలయంలో ఏర్పాటు చేసిన మీడియా సమావేశంలో ఆయన మాట్లాడుతూ... సబ్జెక్టుతో సంబంధంలేని 16 మంది మంత్రులు శాసనమండలిలోకి వెళ్లి ప్రతిపక్ష సభ్యులపై దౌర్జన్యం చేశారని విమర్శించారు.

‘‘లోకేశ్‌బాబు ఆయన స్థానంలో కూర్చుని ఉంటే.. ప్రతిపక్ష సభ్యుల సీట్ల వద్దకు మంత్రులు ఎందుకు వెళ్లారు? శాసనమండలి సమావేశాల ప్రత్యక్ష ప్రసారం ఎందుకు నిలిపివేశారు? మహిళలు ఉన్నారని కూడా చూడకుండా అసభ్యంగా ఎందుకు మాట్లాడారు? మీరు దురుద్దేశంతో వ్యవహరించారని చెప్పడానికి ఇది చాలు’’ అని రవీంద్రకుమార్‌ అన్నారు. తెలుగుదేశం సభ్యులపై దుర్భాషలాడి ..వాళ్లపైనే ఆరోపణలు చేస్తారా అని మండిపడ్డారు.