‘అధికారపక్షం తప్పులు చెప్పకూడదా?’

డీజీపీ కలిసిన తెదేపా నేతలు

అమరావతి: ‘‘వేధింపులకు గురిచేస్తున్న ప్రభుత్వం మూల్యం చెల్లించుకోకతప్పదు. ఎస్సీలపై దాడులను ఏ మాత్రం సహించం’’ అని తెదేపా నాయకులు అన్నారు. గురజాలలో విక్రమ్‌ను హత్య చేసినవారిపై చర్యలు తీసుకోవాలని తెదేపా నాయకులు డీజీపీ గౌతమ్‌ సవాంగ్‌ను కలసి కోరారు. ఆ తర్వాత వారు మీడియాతో మాట్లాడుతూ ‘‘మా ఆరోపణలపై సమాధానం చెప్పలేక వైకాపా నేతలు పారిపోతున్నారు. బెదిరింపులు, ప్రలోభాలతో ఎవరినీ భయపెట్టలేరు. ఇకనైనా కక్షసాధింపు చర్యలు మానుకోవాలి. అధికారపక్ష నేతలు చేస్తున్న తప్పులను చెప్పకూడదా. అణచివేత ధోరణి ఎన్నాళ్లు కొనసాగిస్తారు’’ అని తెదేపా నాయకులు ప్రశ్నించారు.