‘‘చిరుద్యోగుల్లో ఎందుకు భేదాలు సృష్టిస్తున్నారు?’’

జనసేన అధినేత పవన్‌ కల్యాణ్‌

అమరావతి: విజయవాడలోని దుర్గగుడి పొరుగుసేవల సిబ్బందికి ప్రభుత్వం సరిగా పని కల్పించడం లేదని జనసేన అధినేత పవన్‌ కల్యాణ్‌ అన్నారు. దుర్గగుడిలో పని చేస్తున్న పొరుగుసేవల సిబ్బంది సమస్యలపై పవన్‌ స్పందించారు. ఈ మేరకు పార్టీ అధికారిక ట్విటర్‌ పేజీలో ట్వీట్‌ చేశారు. దుర్గగుడిలో పదేళ్లుగా పని చేస్తున్నవారిలో ప్రస్తుతం కొందరికే పని కల్పిస్తున్నారన్నారు. చిరుద్యోగుల్లో ఎందుకు భేదాలు సృష్టిస్తున్నారో ప్రభుత్వం జవాబు చెప్పాలని పవన్‌ డిమాండ్‌ చేశారు. ‘‘మూడు నెలలుగా జీతాలు ఇవ్వలేదని సిబ్బంది వాపోతున్నారు. ప్రభుత్వం వెంటనే స్పందించి పొరుగుసేవల సిబ్బందిని ఆదుకోవాలి’’ అని పవన్‌ కోరారు. t