Published : 05/12/2021 12:37 IST

Congress: రూ.4 లక్షల పరిహారానికి కాంగ్రెస్‌ ఆన్‌లైన్‌ ఉద్యమం

ప్రభుత్వం నిద్రమత్తులో ఉందన్న రాహుల్‌ 

దిల్లీ: దేశంలో కరోనా కారణంగా చనిపోయినవారి కుటుంబాలను ఆదుకునేందుకు రూ.4 లక్షల వంతున పరిహారాన్ని అందించాలనే డిమాండుతో కాంగ్రెస్‌ పార్టీ ఆన్‌లైన్‌ ఉద్యమానికి శ్రీకారం చుట్టింది. పార్టీ అగ్రనేత రాహుల్‌గాంధీ శనివారం ఈ ఉద్యమాన్ని ట్విటర్లో ప్రారంభిస్తూ.. ప్రజలంతా తీవ్ర కష్టనష్టాలు ఎదుర్కొంటుంటే ప్రభుత్వం నిద్రమత్తులో ఉందని విమర్శించారు. ఇలాంటి ప్రభుత్వాన్ని తట్టి లేపాల్సిన అవసరం ఉందన్నారు. కరోనాతో దేశంలో ఎంతమంది చనిపోయారనే కచ్చితమైన లెక్కల్ని ప్రభుత్వం వెల్లడించాలని, అలాంటివారి కుటుంబాలన్నింటికీ పరిహారం చెల్లించాలనీ డిమాండ్‌ చేశారు. మృతుల సంఖ్యను తగ్గించి చూపడం ద్వారా ప్రభుత్వం తన వైఫల్యాలను కప్పిపుచ్చుకునేందుకు ప్రయత్నించిందని ఆరోపించారు. ఆదుకొనే ఉద్దేశం కేంద్ర ప్రభుత్వానికి లేదని, మృతుల వివరాలు కావాలంటే వాటిని ప్రభుత్వానికి ఇచ్చేందుకు యావద్దేశం సిద్ధంగా ఉందని కాంగ్రెస్‌ అధికార ప్రతినిధి పవన్‌ ఖేరా చెప్పారు. విపత్తు నిర్వహణ మార్గదర్శకాల ప్రకారం రూ.4 లక్షల చొప్పున పరిహారం ఇవ్వాల్సి ఉంటే కేవలం రూ.50,000తో సరిపెట్టేయాలని ప్రభుత్వం చూస్తోందని విమర్శించారు. 

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్