TS News : కరీంనగర్‌ పోలీసు ట్రైనింగ్‌ సెంటర్‌ వద్ద భాజపా కార్యకర్తల ఆందోళన..

కరీంనగర్‌ :  తెలంగాణ ప్రభుత్వం జారీ చేసిన 317జీవోకు నిరసనగా భాజపా రాష్ట్ర అధ్యక్షుడు బండి సంజయ్‌ చేపట్టిన దీక్షను నిన్న రాత్రి పోలీసులు భగ్నం చేసిన విషయం తెలిసిందే. ఆయన్ను మానకొండూర్‌ నుంచి కరీంనగర్‌లోని పోలీస్‌ ట్రైనింగ్‌ సెంటర్‌కు తరలించారు. అయితే పోలీసుల తీరును నిరసిస్తూ భాజపా కార్యకర్తలు ఆందోళనకు దిగారు. పోలీసు ట్రైనింగ్‌ సేంటర్‌ వద్దకు భారీ సంఖ్యలో చేరుకున్న కార్యకర్తలు.. సీపీ సత్యనారాయణకు వ్యతిరేకంగా నినాదాలు చేశారు. దీంతో అక్కడ ఉద్రిక్త వాతావరణ నెలకొంది. పలువురు కార్యకర్తలను పోలీసులు అదుపులోకి తీసుకున్నారు.

బండి సంజయ్‌ దీక్షలో కొవిడ్‌ నిబంధనలు పాటించలేదని.. మాస్కులు ధరించని 25 మందిపై కేసు నమోదు చేశామని సీపీ సత్యనారాయణ తెలిపారు. బండి సంజయ్‌పై కూడా కేసు నమోదు చేసినట్లు వెల్లడించారు. బండిసంజయ్‌ను కరీంనగర్‌ కోర్టుకు తరలించామని సీపీ తెలిపారు.