GVL : అల్లర్లు రాష్ట్ర ప్రభుత్వ వైఫల్యమా.. కావాలని చేసిన పనా..? : జీవీఎల్‌

విశాఖ: రాష్ట్రంలో వైకాపా చేతగానితనంతో ప్రజలు ఇబ్బందులు పడుతున్నారని భాజపా ఎంపీ జీవీఎల్‌ నరసింహారావు మండిపడ్డారు. వైకాపా ప్రభుత్వం స్టిక్కర్లు అతికించుకునే పని చేస్తోందని ఎద్దేవా చేశారు. విశాఖలో ఆయన మీడియాతో మాట్లాడుతూ.. వైకాపా ప్రభుత్వంపై తీవ్ర విమర్శలు చేశారు. ‘‘పాలన చేతకాదని తేలిపోయింది.. మీరు గద్దె దిగండి. దావోస్‌లో రాష్ట్ర బృందంపై విమర్శలకు సమాధానం చెప్పాలి. అమలాపురంలో అల్లర్లు సృష్టించారు. అల్లర్లు రాష్ట్ర ప్రభుత్వ వైఫల్యమా.. కావాలని చేసిన పనా?.. యాత్ర పేరుతో స్పీకర్‌ రాజకీయ వ్యాఖ్యలు చేయడం తగదు. స్పీకర్‌ పదవికి రాజీనామా చేసి.. వ్యాఖ్యలు చేసుకోవచ్చు’’ అని జీవీఎల్‌ అన్నారు.