Vallabhaneni Vamsi: మీరు వైకాపాకు వెళ్లడం బాలేదు: ఎమ్మెల్యే వంశీని ప్రశ్నించిన మహిళ

గన్నవరం: గన్నవరం పట్టణంలోని రాయ్‌నగర్‌ పరిసరాల్లో గడపగడపకూ మన ప్రభుత్వం కార్యక్రమాన్ని మంగళవారం నిర్వహించారు. ఇందులో భాగంగా కల్యాణ మండపం సమీపంలోని ఓ అపార్టుమెంట్‌కు వెళ్లిన ఎమ్మెల్యే వంశీమోహన్‌.. స్థానికుల సమస్యలు అడిగి తెలుసుకున్నారు. ఈ సందర్భంగా ఓ మహిళ మాట్లాడుతూ.. ‘అంతా బాగుంది గానీ మీరు వైకాపాకు వెళ్లడమే బాలేదు. స్థానికంగా ప్రతిష్ఠ కూడా  దిగజారింది’ అని పేర్కొన్నారు. దీనిపై ఎమ్మెల్యే స్పందిస్తూ కొన్ని పరిస్థితుల వల్ల వైకాపాకు మద్దతు పలికాల్సి వచ్చిందని, ప్రజల కోసమే ఈ నిర్ణయం తీసుకున్నానని తెలిపారు. తొలుత స్థానిక వాలంటీర్‌ పథకాల వివరాలు తమకు తెలియపర్చడం లేదని  మహిళలు ఎమ్మెల్యేకు ఫిర్యాదు చేశారు.