కోర్టు ఆదేశిస్తే తప్ప ప్రభుత్వానికి సోయి రాలేదు: కోదండరాం

అబిడ్స్‌, న్యూస్‌టుడే: గణతంత్ర వేడుకలపై కోర్టు ఆదేశిస్తే తప్ప ప్రభుత్వానికి సోయి రాకపోవడం దురదృష్టకరమని తెలంగాణ జన సమితి పార్టీ అధ్యక్షుడు కోదండరాం అన్నారు. గురువారం హైదరాబాద్‌లోని పార్టీ కార్యాలయంలో గణతంత్ర వేడుకల్లో భాగంగా ఆయన జాతీయ పతాకాన్ని ఆవిష్కరించారు. అనంతరం కోదండరాం ప్రసంగిస్తూ.. గవర్నర్‌తో వ్యక్తిగత విభేదాలున్నా రాజ్యాంగపరమైన బాధ్యతను ప్రభుత్వం నిర్వర్తించాలని సూచించారు. ఈ తరహా ఘటనలు పునరావృతం కాకుండా జాగ్రత్త పడాలన్నారు. రాజ్యాంగం భారతదేశ చరిత్రను తిరగరాసినట్లు ముఖ్యమంత్రి గ్రహించడం లేదని.. సమాజంలో ఆర్థిక, సాంఘిక అసమానతలను లేకుండా చేసిందని గుర్తించాలన్నారు.