సమస్యలు తీర్చని సమావేశమెందుకు?

కుప్పం కౌన్సిల్‌ సమావేశంలో అధికార పార్టీ కౌన్సిలర్ల ఆగ్రహం

కుప్పం పట్టణం, న్యూస్‌టుడే: ‘ఎన్నికై ఏడాదైంది. వార్డుల్లో ఎక్కడి సమస్యలక్కడే ఉన్నాయి. అధికారులకు చెబితే పట్టించుకోరు. ప్రజలముందు తలెత్తుకు తిరగలేకపోతున్నాం. సమావేశాల్లో కమిషనర్‌ ఏకపక్షంగా వ్యవహరిస్తూ కొన్ని వార్డులకే పనులు మంజూరు చేస్తున్నారు. వార్డుల్లో సమస్యలు తీర్చని కౌన్సిల్‌ సమావేశమెందుకు?’ అంటూ మంగళవారం జరిగిన కుప్పం మున్సిపల్‌ సమావేశంలో వైకాపా కౌన్సిలర్లు ఆగ్రహం వ్యక్తం చేశారు. మంగళవారం నాడు ఎమ్మెల్సీ, వైకాపా జిల్లా అధ్యక్షుడు భరత్‌ హాజరు కావడంతో సమావేశానికి అధికార పార్టీ కౌన్సిలర్లు వచ్చారు. తమ వార్డుల్లో నెలకొన్న సమస్యలను పరిష్కరించాలని రెండోవార్డు వైకాపా కౌన్సిలర్‌ మునిరాజు... కమిషనర్‌ రవిరెడ్డికి వినతిపత్రం ఇచ్చారు. సమస్యలను ఎందుకు పరిష్కరించడం లేదంటూ ఆగ్రహం వ్యక్తం చేస్తూ సమావేశ హాజరు పుస్తకాన్ని చించారు. ఆయనతోపాటు మిగిలిన వార్డు సభ్యులూ సమావేశాన్ని బహిష్కరించి వెళ్లారు. ఈ నెల 10కి సమావేశాన్ని వాయిదా వేశారు.