Arvind Kejriwal: కేజ్రీవాల్ విందు భేటీ విఫలం.. హాజరుకాని ముఖ్యమంత్రులు

దిల్లీ: ఆమ్‌ ఆద్మీ పార్టీ అధినేత, దిల్లీ ముఖ్యమంత్రి అరవింద్‌ కేజ్రీవాల్‌ విందు భేటీ విఫలమైంది. గత శనివారం ఆయన ఏర్పాటుచేసిన విందు సమావేశానికీ పిలిచిన వారిలో ఒక్క ముఖ్యమంత్రీ హాజరు కాలేదు. ఈ విషయం ఆలస్యంగా వెలుగులోకి వచ్చింది. ఈ పరిణామం జాతీయ రాజకీయాల్లో పెద్దన్న పాత్ర పోషించాలనుకున్న కేజ్రీవాల్‌కు మింగుడుపడనిదే. 2024 లోక్‌సభ ఎన్నికల కూటమిపై చర్చించేందుకు రావాలని ఆయన భాజపాయేతర, కాంగ్రెసేతర రాష్ట్రాల ముఖ్యమంత్రులు ఏడుగురికి లేఖలు రాశారు.  ‘ప్రొగ్రెసివ్‌ చీఫ్‌ మినిస్టర్స్‌ గ్రూప్‌ ఆఫ్‌ ఇండియా (జీ8) పేరుతో ఆయన ఈ విందు భేటీ నిర్వహించాలనుకున్నారు. ఇందులో భాగంగా ఏడుగురు ముఖ్యమంత్రులకు ఆహ్వానం పంపారు. తనతోపాటు మొత్తం 8 మంది భేటీ అవ్వాలనేది కేజ్రీవాల్‌ ఆలోచనని విశ్వసనీయవర్గాలు తెలిపాయి.