భారాసలో మహారాష్ట్ర నాయకుల చేరిక

ఈనాడు, హైదరాబాద్‌: భారాస అధినేత, తెలంగాణ ముఖ్యమంత్రి కేసీఆర్‌ సమక్షంలో బుధవారం మహారాష్ట్రకు చెందిన పలువురు రాజకీయ నాయకులు భారాసలో చేరారు. వారికి కేసీఆర్‌ గులాబీ కండువాలు కప్పి పార్టీలోకి ఆహ్వానించారు. మహారాష్ట్రలోని కంధార్‌ లోహలో ఈ నెల 26న భారాస బహిరంగ సభ నిర్వహిస్తున్న నేపథ్యంలో పార్టీలో చేరికలు కొనసాగుతున్నాయి. ముఖ్యమంత్రి కేసీఆర్‌ హాజరు కానున్న సభలో భారీ చేరికలు ఉంటాయని పార్టీ వర్గాలు తెలిపాయి. తాజాగా భారాసలో చేరిన వారిలో హర్షవర్ధన్‌ జాదవ్‌, సురేశ్‌ గైక్వాడ్‌, యశ్‌పాల్‌ బింగే తదితరులున్నారు.