Ambati Rambabu: ఆ నలుగురిని శాశ్వతంగా బహిష్కరించే అవకాశం

మంత్రి అంబటి రాంబాబు

ఈనాడు, అమరావతి: ఎమ్మెల్సీ ఎన్నికల్లో క్రాస్‌ ఓటింగుకు పాల్పడ్డారంటూ సస్పెన్షన్‌కు గురైన నలుగురు ఎమ్మెల్యేలను పార్టీ నుంచి శాశ్వతంగా బహిష్కరించే అవకాశం ఉందని మంత్రి అంబటి రాంబాబు వెల్లడించారు. తెదేపా ఒక్కో సభ్యునికి రూ.10 కోట్ల నుంచి రూ.15 కోట్ల వరకు ఇచ్చిందని ఆరోపించారు. రాష్ట్ర సచివాలయంలో మీడియా పాయింట్‌ వద్ద శుక్రవారం మంత్రి విలేకర్లతో మాట్లాడుతూ.. ఎమ్మెల్సీ ఎన్నికల్లో క్రాస్‌ ఓటింగ్‌ జరుగుతుందన్న అనుమానంతోనే ముందస్తు జాగ్రత్తలు తీసుకున్నామన్నారు. ప్రస్తుతం సస్పెండ్‌కు గురైన నలుగురితో అంతకుముందే సీఎం స్వయంగా మాట్లాడారని, రానున్న ఎన్నికల్లో సీట్లు ఇవ్వలేనని వారికి స్పష్టం చేశారని పేర్కొన్నారు. చంద్రబాబునాయుడు మాదిరిగా చూస్తాం... చేస్తామని కాకుండా నేరుగా పార్టీ నిర్ణయాన్ని వారితో సీఎం చెప్పారన్నారు.