తెదేపా సభ విజయవంతానికి 12 కమిటీలు

నాంపల్లి ఎగ్జిబిషన్‌ గ్రౌండ్‌లో ఏర్పాట్లు: కాసాని

ఈనాడు, హైదరాబాద్‌: తెదేపా ఆవిర్భావ దినోత్సవ ప్రతినిధుల సభ విజయవంతానికి 12 కమిటీలు ఏర్పాటయ్యాయి. తెదేపా రాష్ట్ర అధ్యక్షుడు కాసాని జ్ఞానేశ్వర్‌ ఆధ్వర్యంలో ముఖ్యనాయకుల సమావేశం ఎన్టీఆర్‌ భవన్‌లో శనివారం జరిగింది. ఈ నెల 29న హైదరాబాద్‌ నాంపల్లి ఎగ్జిబిషన్‌ గ్రౌండ్‌లో నిర్వహించే ఈ సభకు భారీ ఏర్పాట్లు చేపడుతున్నట్లు ఆయన తెలిపారు. ఈ సందర్భంగా ఆహ్వాన కమిటీ, సభాప్రాంగణ అలంకరణ, స్టేజి అలంకరణ, నగర అలంకరణ, వాలంటీర్లు, రిఫ్రెష్‌మెంట్‌, జనసమీకరణ, సభానిర్వహణ, ప్రింట్‌-ఎలక్టాన్రిక్‌-సోషల్‌ మీడియా సంబంధాలు, సాంస్కృతిక కార్యక్రమాలు, ఫొటో ప్రదర్శన, ప్రాంగణ పర్యవేక్షణ తదితర 12 కమిటీలను ఏర్పాటు చేశారు. రాష్ట్ర విభజన అనంతరం తొలిసారి రెండు తెలుగు రాష్ట్రాల పార్టీ ప్రతినిధులు ఈ సభకు హాజరవుతున్నందున ప్రతిష్ఠాత్మకంగా తీసుకుని భారీ ఏర్పాట్లు చేస్తున్నామని జ్ఞానేశ్వర్‌ చెప్పారు.