నడ్డా నేటి పర్యటన రద్దు

వర్చువల్‌గా సంగారెడ్డి పార్టీ కార్యాలయం ప్రారంభం

ఈనాడు, హైదరాబాద్‌: భాజపా జాతీయ అధ్యక్షుడు జె.పి.నడ్డా శుక్రవారం సంగారెడ్డిలో పార్టీ కార్యాలయాన్ని వర్చువల్‌గా దిల్లీ నుంచి ప్రారంభిస్తారని పార్టీ ఓ ప్రకటనలో పేర్కొంది. భాజపా కార్యకర్తలను ఉద్దేశించి ఆయన దిల్లీ నుంచి ప్రసంగిస్తారని తెలిపింది. నడ్డా శుక్రవారం మధ్యాహ్నం హైదరాబాద్‌కు వచ్చి సంగారెడ్డి కార్యక్రమంలో పాల్గొనాల్సి ఉండగా ఆయన పర్యటన రద్దయినట్లు ఆ ప్రకటనలో వెల్లడించింది. కాగా సంగారెడ్డిలో భాజపా కార్యాలయం ప్రారంభ కార్యక్రమంలో కేంద్ర మంత్రి జి.కిషన్‌రెడ్డి, భాజపా రాష్ట్ర అధ్యక్షుడు బండి సంజయ్‌, పార్టీ రాష్ట్ర ఇన్‌ఛార్జులు తరుణ్‌ఛుగ్‌, సునీల్‌ బన్సల్‌, ముఖ్య నేతలు శివచరణ్‌, కె.లక్ష్మణ్‌ తదితరులు పాల్గొంటారు.