BRS: మరాఠా గడ్డపై భారాస బోణీ

పంచాయతీ ఉప ఎన్నికలో పార్టీ మద్దతుదారు విజయం

ఈనాడు, నిజామాబాద్‌: మహారాష్ట్రలో భారాస శాఖ శిక్షణ శిబిరం జరుగుతున్న రోజే ఆ పార్టీకి శుభవార్త అందింది. ఔరంగాబాద్‌ సమీప గంగాపూర్‌ తాలూకాలోని అంబేలోహల్‌ గ్రామ పంచాయతీ ఒకటో వార్డుకు జరిగిన ఉప ఎన్నికలో భారాస మద్దతుదారు వార్డు సభ్యుడిగా విజయం సాధించారు. ఈ గ్రామం గత నెల 24న భారాస బహిరంగ సభ జరిగిన శంభాజీనగర్‌కు సమీపంలో ఉంటుంది. గురువారం ఉప ఎన్నిక జరగ్గా.. శుక్రవారం ఫలితం వెలువడింది. భారాస బలపర్చిన అభ్యర్థి గఫూర్‌ సర్దార్‌ పఠాన్‌ 115 ఓట్ల ఆధిక్యంతో తన ప్రత్యర్థిపై గెలుపొందారు. ఆయన ఇటీవలే భారాసలో చేరారు. ఈ సమాచారాన్ని పార్టీ వర్గాలు ‘ఈనాడు’కు తెలిపాయి.