YSRCP: ‘రోడ్డు వేయిస్తా.. తెదేపా జెండా కనపడకూడదు’!

పీలేరు ఎమ్మెల్యే చింతల రామచంద్రారెడ్డి

పీలేరు, న్యూస్‌టుడే: ‘అన్నమయ్య జిల్లా పీలేరు మండలం జాండ్ల పంచాయతీ బసిరెడ్డిగారిపల్లెకు రోడ్డు వేయిస్తా... తెదేపా జెండా కనిపించకూడదు’ అని పీలేరు ఎమ్మెల్యే చింతల రామచంద్రారెడ్డి అన్నారు. ‘గడప గడపకు’ కార్యక్రమంలో భాగంగా పీలేరు మండలం జాండ్ల పంచాయతీలో గురువారం పర్యటించారు. ఈ సందర్భంగా కొంతమంది గ్రామస్థులు బసిరెడ్డిగారిపల్లెకు తలపుల బస్సు మార్గం నుంచి తారురోడ్డు వేయాలని కోరగా ఎమ్మెల్యే ఈ విధంగా స్పందించారు. వాలంటీర్లు, గ్రామ సచివాలయ సిబ్బందితో మాట్లాడుతూ వచ్చే ఎన్నికల్లో మళ్లీ వైకాపాను గెలిపిస్తే వారికి భవిష్యత్తు ఉంటుందన్నారు.