మా పార్టీకి 15 సీట్లకు మించి రావు: రఘురామకృష్ణరాజు

ఈనాడు, దిల్లీ: రానున్న శాసనసభ ఎన్నికల్లో తమ పార్టీకి 15 సీట్లకు మించి రావని వైకాపా ఎంపీ రఘురామకృష్ణరాజు అన్నారు. ప్రస్తుతానికి తమ పార్టీ 15 సీట్ల వద్ద ఉందని, అక్టోబరు 11న సుప్రీంకోర్టులో మాజీ మంత్రి వై.ఎస్‌.వివేకానందరెడ్డి హత్య కేసు విచారణ అనంతరం మరింతగా దిగజారవచ్చన్నారు. దిల్లీలో ఎంపీ రఘురామకృష్ణరాజు సోమవారం విలేకరులతో మాట్లాడారు. వచ్చే ఎన్నికల కురుక్షేత్రంలో కృష్ణార్జునులు చంద్రబాబు, పవన్‌ కల్యాణ్‌లు అయితే ఆ సమయానికి తనలాంటి భీముడు వారి వెంటే ఉంటారని తెలిపారు. ముఖ్యమంత్రి జగన్‌ పంపించకపోయినా తానే పార్టీ వదిలి వెళ్లిపోతానన్నారు.