భట్టిని కలిసిన అశ్వారావుపేట కాంగ్రెస్‌ నాయకులు

అశ్వారావుపేట, న్యూస్‌టుడే: కాంగ్రెస్ట్‌లో మాజీ ఎమ్మెల్యే తాటి వెంకటేశ్వర్లు చేరికపై అసంతృప్తిగా ఉన్న భద్రాద్రి కొత్తగూడెం జిల్లా అశ్వారావుపేట నియోజకవర్గానికి చెందిన నాయకులు ఆదివారం హైదరాబాద్‌లో సీఎల్పీ నేత భట్టి విక్రమార్కను కలిశారు. జడ్పీటీసీ సభ్యురాలు సున్నం నాగమణి.. జిల్లా పార్టీ అధ్యక్షుడు పొదెం వీరయ్య, కొంతమంది అనుచరులను వెంటబెట్టుకుని భట్టి వద్దకు వెళ్లారు. నియోజకవర్గ నాయకులకు తెలియకుండా వెంకటేశ్వర్లును పార్టీలో చేర్చుకోవడంపై ఆమె అసంతృప్తి వ్యక్తం చేసి, తమ భవితవ్యమేమిటని ప్రశ్నించినట్లు సమాచారం. పనిచేసే వారిని పార్టీ తప్పకుండా గుర్తిస్తుందని, అధైర్యపడవద్దని ఆయన వారికి నచ్చచెప్పారు.