Ayyanna Patrudu: న్యాయస్థానాలు ఉన్నందునే ఇంకా బతికున్నాను: అయ్యన్న
న్యాయస్థానాలు ఉండబట్టే తానింకా బతికున్నానని, న్యాయ వ్యవస్థే లేకపోతే ఈ మూడేళ్లలో తనలాంటి వాళ్లెందరినో వైకాపా వాళ్లు చంపేసి ఉండేవారని మాజీ మంత్రి
ఈనాడు డిజిటల్, అమరావతి: న్యాయస్థానాలు ఉండబట్టే తానింకా బతికున్నానని, న్యాయ వ్యవస్థే లేకపోతే ఈ మూడేళ్లలో తనలాంటి వాళ్లెందరినో వైకాపా వాళ్లు చంపేసి ఉండేవారని మాజీ మంత్రి అయ్యన్నపాత్రుడు అన్నారు. ఇప్పటికే చాలా మందిని చంపేశారని, కొందరి ఇళ్లు తగలబెట్టి, మరి కొందరివి పడగొట్టారని ఆరోపించారు. తెదేపా కేంద్ర కార్యాలయం వద్ద గురువారం ఆయన విలేకరులతో మాట్లాడారు. ‘వైకాపా నాయకుల కంటే అసభ్యంగా నేనేమీ మాట్లాడలేదు. ఆంధ్రా విశ్వవిద్యాలయం గురించి అయ్యన్నపాత్రుడు మాట్లాడింది తప్పు అని విశాఖ పోలీస్ స్టేషన్లో నాపై కేసు పెట్టారు. నేను ఆంధ్ర యూనివర్సిటీ పరువు తీశానంటున్నారు. విశ్వవిద్యాలయం గ్రౌండ్లో కట్టలుగా నిరోధ్లు దొరికాయి. దాన్ని నేను ప్రస్తావిస్తే సీఎం, విజయసాయిరెడ్డి లాంటివాళ్లు దానిపై విచారణ చేసి వాస్తవాలు బయటపెట్టాలి. అలా చేయకుండా నాపై కేసులు పెట్టడం మూర్ఖత్వం’ అని అయ్యన్నపాత్రుడు అన్నారు. వైకాపా ఎంపీ రఘురామకృష్ణరాజులా తననూ కొట్టించాలన్నది వైకాపా నాయకుల ఆలోచన అని ఆయన ఆరోపించారు. ‘నా మీద వైకాపా ప్రభుత్వం 12 కేసులు పెట్టింది. అన్ని కేసుల్లోనూ హైకోర్టు ద్వారా నాకు ఊరట లభించింది. ఇప్పుడు వారి ఆలోచన ఎఫ్ఐఆర్ లేకుండా నా మీద కేసు పెట్టడం.. ఎఫ్ఐఆర్ లేకుండా నన్నెలా అరెస్టు చేస్తారు. 26 జిల్లాల్లో ఎక్కడో ఒక దగ్గర నా మీద కేసు నమోదు చేసి అర్ధరాత్రి ఇంటికి వచ్చి అరెస్టు చేస్తామంటే కుదరదు’ అని చెప్పారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ఏపీలో రోగులకు ఎన్నికల కష్టాలు
-
అనపర్తి స్థానం మార్పు వైకాపా కుట్ర: నల్లమిల్లి
-
బరిలో ఐదుగురు ఓ.పన్నీర్సెల్వంలు.. అందరి నామినేషన్లు ఆమోదం
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి