Hyderabad News: కాంగ్రెస్‌ గూటికి బడంగ్‌పేట కార్పొరేషన్‌ మేయర్‌

ఈనాడు, హైదరాబాద్‌ - న్యూస్‌టుడే, బాలాపూర్‌ : హైదరాబాద్‌ శివారు బడంగ్‌పేట కార్పొరేషన్‌ మేయర్‌ చిగురింత పారిజాత, ఆమె భర్త నర్సింహారెడ్డి హస్తం గూటికి చేరేందుకు నిర్ణయించారు.  వారిద్దరూ గురువారం పీసీసీ అధ్యక్షుడు రేవంత్‌రెడ్డితో  భేటీ అయ్యారు. 2020 జనవరిలో జరిగిన కార్పొరేషన్‌ ఎన్నికల్లో కాంగ్రెస్‌ తరఫున 31వ వార్డు కార్పొరేటర్‌గా పారిజాత విజయం సాధించారు.  అప్పట్లో పారిజాతకు మేయర్‌ పదవి ఇచ్చేలా ఒప్పందం జరగడంతో ఆమె తెరాసలో చేరారు. మేయర్‌ పదవి దక్కించుకున్నారు. కొంతకాలంగా పార్టీలో తమకు ప్రాధాన్యం దక్కడం లేదని అనుచరుల వద్ద వాపోతున్నారు.