రైతులకు బేడీలు వేయడం అన్యాయం

సీపీఎం రాష్ట్ర కార్యదర్శి తమ్మినేని

ఈనాడు, హైదరాబాద్‌: పరిహారం కోరుతూ ఆందోళన చేస్తున్న గౌరవెల్లి నిర్వాసిత రైతులపై పోలీసులు అక్రమ కేసులు పెట్టి జైలులో నిర్బంధించడాన్ని, వారికి బేడీలు వేసి కోర్టుకు తీసుకురావడాన్ని సీపీఎం రాష్ట్ర కమిటీ తీవ్రంగా ఖండిస్తున్నట్లు ఆ పార్టీ రాష్ట్ర కార్యదర్శి తమ్మినేని వీరభద్రం ఒక ప్రకటనలో తెలిపారు. ఇది రైతులను తీవ్రంగా అవమానించడమేనని ఆయన పేర్కొన్నారు. ముఖ్యమంత్రి కేసీఆర్‌ రైతుల కోసమే పుట్టాననీ, జీవితాంతం వారి కోసమే పనిచేస్తామని గొప్పలు చెప్పుకొని.. ఇప్పుడు రైతులను ఇలా అవమానించడం సబబు కాదన్నారు. ఇప్పటికైనా ప్రభుత్వం స్పందించి రైతులకు బేెడీలు వేసిన పోలీసులపై చర్యలు చేపట్టాలనీ, రైతులకు బేషరతుగా క్షమాపణ చెప్పి, వారిపై కేసులను ఉపసంహరించాలని డిమాండ్‌ చేశారు.