మా సభకు సర్కారు ఆటంకాలు.. అయినా విజయవంతం చేస్తాం

పరేడ్‌ మైదానంలో ఏర్పాట్లు పరిశీలించిన కిషన్‌రెడ్డి, డా.కె.లక్ష్మణ్‌

ఈనాడు, హైదరాబాద్‌: తెరాస ప్రభుత్వం ఎన్ని ఆటంకాలు సృష్టించినా.. భాజపా జాతీయ కార్యవర్గ సమావేశాలను, ఈ నెల 3న పరేడ్‌ మైదానంలో బహిరంగసభను విజయవంతం చేస్తామని భాజపా సీనియర్‌ నాయకులు, కేంద్ర మంత్రి కిషన్‌రెడ్డి, భాజపా ఓబీసీ విభాగం జాతీయ అధ్యక్షులు డా.కె.లక్ష్మణ్‌ అన్నారు. శుక్రవారం బహిరంగ సభ ఏర్పాట్లను పరిశీలించిన అనంతరం మీడియాతో వారు మాట్లాడారు. ప్రత్యేక జీవోలు తీసి స్వాగత సన్నాహాలకు ఆస్కారం లేకుండా చేసి.. భాజపా ప్రాధాన్యం తగ్గించేదుకు తెరాస ప్రభుత్వం కుట్ర పన్నిందన్నారు. తెలంగాణ ప్రభుత్వం దిగజారి వ్యవహరిస్తోందని దుయ్యపట్టారు. అన్ని వర్గాల సహకారంతో విజయవంతం చేస్తామన్నారు. భాజపా ప్రచారానికి వీలు లేకుండా అధికారాన్ని దుర్వినియోగం చేసి.. తెరాస ప్రభుత్వ ప్రకటనలను మెట్రో పిల్లర్లతోపాటు.. అన్ని చోట్ల ఏర్పాటు చేయడాన్ని ప్రజలు గమనిస్తున్నారని చెప్పారు.