విభజన చట్టం హామీలను అమలుచేయాలి

తెదేపా డిమాండ్‌

ఈనాడు, హైదరాబాద్‌: రాష్ట్ర విభజన చట్టంలో తెలంగాణకు ఇచ్చిన హామీలను కేంద్ర ప్రభుత్వం తక్షణం అమలు చేయాలని తెలుగుదేశం పార్టీ డిమాండ్‌ చేసింది. వీటి అమలు కోసం తెరాస ప్రభుత్వం కేంద్ర సర్కారుపై పోరాడిన దాఖలాలు లేవని ఆ పార్టీ రాష్ట్ర ప్రధాన కార్యదర్శి జక్కలి ఐలయ్య యాదవ్‌ శనివారం ఒక ప్రకటనలో ఆరోపించారు. వీటిని అమలు చేయాల్సిన బాధ్యత తెలంగాణ రాష్ట్ర సమితి, భారతీయ జనతా పార్టీలపైనే ఉందని ఆయన పేర్కొన్నారు. కొత్త రాష్ట్రంగా తెలంగాణ ఏర్పడి ఎనిమిది ఏళ్లయినా ఉమ్మడి ఆస్తుల విభజన అంశం ఇంతవరకూ ఒక కొలిక్కి రాలేదని ఆయన గుర్తుచేశారు.