సీఎం కేసీఆర్‌ ప్రొటోకాల్‌ ఉల్లంఘించారు

కేంద్ర విద్యాశాఖ మంత్రి ధర్మేంద్ర ప్రధాన్‌

ఈనాడు, హైదరాబాద్‌: భాజపాకు పెరుగుతున్న ప్రజాదరణతో తెరాస పార్టీ రాజకీయ మైదానంలో జారిపడిపోతోందని కేంద్ర విద్యాశాఖ మంత్రి ధర్మేంద్ర ప్రధాన్‌ శనివారం ట్విటర్‌లో ఎద్దేవా చేశారు. రాష్ట్రపతి అభ్యర్థి యశ్వంత్‌సిన్హాకు మద్దతుగా నిర్వహించిన సభలో కేసీఆర్‌ ప్రధానిపై చేసిన వ్యాఖ్యలను ఆయన ఖండించారు. దేశానికి అత్యంత ఇష్టమైన నాయకుడినుద్దేశించి కేసీఆర్‌ నీచమైన రాజకీయ ప్రసంగం చేశారని, అసభ్యకరమైన భాష వాడారని తెలిపారు. ముఖ్యమంత్రి కేసీఆర్‌ కావాలనే మరోసారి ప్రొటోకాల్‌ను ఉల్లంఘించి సీఎం, పీఎం వ్యవస్థలను అవమానించారన్నారు.