Raghurama: ఏపీ పోలీసులు ఫాలో అవుతున్నారని రైలు దిగిపోయిన ఎంపీ రఘురామ

హైదరాబాద్‌, న్యూస్‌టుడే: పశ్చిమగోదావరి జిల్లా భీమవరంలో అల్లూరి సీతారామరాజు విగ్రహావిష్కరణ కార్యక్రమానికి బయల్దేరిన నరసాపురం ఎంపీ రఘురామకృష్ణరాజు ఆదివారం రాత్రి అర్ధంతరంగా వెనుదిరిగారు. ఏపీ పోలీసులు అనుసరిస్తుండటంతోనే ఆయన తన పర్యటనను రద్దు చేసుకున్నట్లు తెలిసింది.

లింగంపల్లి రైల్వేస్టేషన్‌ నుంచి నర్సాపూర్‌ ఎక్స్‌ప్రెస్‌లో రఘురామ అనుచరులతో కలిసి భీమవరం బయలుదేరారు. ఏపీ పోలీసులు అనుసరిస్తున్నారని ఆయన హైదరాబాద్‌లోని బేగంపేట స్టేషన్‌లో రైలు దిగిపోయారు. తన అనుచరులు కొందరిపై ఇప్పటికే పలు కేసులుండటంతో వారిని మరింత ఇబ్బంది పెట్టడం ఇష్టంలేక పర్యటన రద్దు చేసుకుని ఆయన తిరిగి వెళ్లిపోయారని చెబుతున్నారు.