చమురు సంస్థలపై పోరాడి గెలవడం అభినందనీయం

జనసేన నేత కొణిదెల నాగబాబు

ఈనాడు, అమరావతి: చమురు, సహజ వాయు సంస్థలైన ఓఎన్‌జీసీ, గెయిల్‌లపై గత రెండేళ్లుగా న్యాయపోరాటం చేసి గెలిచిన రాజోలు నియోజకవర్గం జనసైనికుడు వెంకటపతిరాజా పోరాటం అభినందనీయమని ఆ పార్టీ నాయకులు కొణిదెల నాగబాబు శుక్రవారం ఒక ప్రకటనలో పేర్కొన్నారు. కోనసీమ జిల్లాలో జల, భూ కాలుష్యానికి ఓఎన్‌జీసీ కారణమని భావించి చెన్నైలోని హరిత ట్రైబ్యునల్‌ రూ.22.72 కోట్ల జరిమానా విధించిన విషయాన్ని ఆయన ప్రస్తావించారు. ఈ విషయంలో వెంకటపతిరాజా అన్ని ఆధారాలతో 2020లో హరిత ట్రైబ్యునల్‌లో ఫిర్యాదు చేశారని నాగబాబు పేర్కొన్నారు.