కేసీఆర్‌ కుమారుడికి వారసత్వ పదవి ఎందుకు?: ఆర్‌ఎస్‌ ప్రవీణ్‌కుమార్‌

చౌటుప్పల్‌, న్యూస్‌టుడే: వీఆర్‌ఏలకు వారసత్వ ఉద్యోగాలు ఇవ్వడానికి చేతులు రాని ముఖ్యమంత్రి కేసీఆర్‌.. తన కుమారుడిని వారసత్వంగా గద్దెనెక్కించడానికి ఎందుకు ప్రయత్నిస్తున్నారని బీఎస్పీ రాష్ట్ర అధ్యక్షుడు ఆర్‌ఎస్‌ ప్రవీణ్కుమార్‌ ప్రశ్నించారు. యాదాద్రి జిల్లా చౌటుప్పల్‌లో వీఆర్‌ఏల నిరవధిక సమ్మె శిబిరాన్ని శనివారం ఆయన సందర్శించారు. వారికి మద్దతు ప్రకటించి మాట్లాడారు. రూ. లక్షా పదిహేనువేల కోట్ల కాళేశ్వరం ప్రాజెక్టులో వేల కోట్లు ముడుపులు పుచ్చుకుని.. దాన్ని గంగలో ముంచితే అవినీతి కనిపించడం లేదా? అని అడిగారు. పేదరికం నుంచి వచ్చిన వీఆర్వోలు, తహసీల్దార్లలోనే అవినీతి కనిపిస్తుందా? అని ప్రశ్నించారు.