ఎంపీగా గెలిపించింది.. మహిళలతో అసభ్యంగా ప్రవర్తించడానికా ?

తెదేపా అధికార ప్రతినిధి కావలి గ్రీష్మా

ఈనాడు డిజిటల్‌, అమరావతి : గోరంట్ల మాధవ్‌ను ప్రజలు ఎంపీగా గెలిపించింది.. మహిళలతో అసభ్యంగా ప్రవర్తించడానికా అని తెదేపా అధికార ప్రతినిధి కావలి గ్రీష్మా ప్రశ్నించారు. వైకాపా ప్రజాప్రతినిధులు మహిళలతో ఈ విధంగా వ్యవహరించడం దారుణమని మండిపడ్డారు. ఈ మేరకు శనివారం ఆమె ఓ వీడియోను విడుదల చేశారు.‘‘ గోరంట్ల మాధవ్‌ నగ్న వీడియో వ్యవహారంతో రాష్ట్రం పరువు, ప్రతిష్ఠలు దెబ్బతిన్నాయి. వైకాపా ఇలాంటి ఎమ్మెల్యేలు, ఎంపీలను తయారు చేస్తోంది. సీఎం జగన్‌ నేరస్థుడు కాబట్టే ఆ పార్టీ వాళ్లు ఇలా ఉన్నారు. తక్షణం గోరంట్ల మాధవ్‌తో ఎంపీ పదవికి రాజీనామా చేయించాలి. ఆయన్ను వైకాపా నుంచి సస్పెండ్‌ చేయాలి. దీనిపై తెదేపా తరఫున పెద్ద ఎత్తున పోరాటం చేస్తాం’’ అని పేర్కొన్నారు.