విద్యుత్తు సవరణ బిల్లు ఉపసంహరించుకోవాలి

సీపీఐ రాష్ట్ర కార్యదర్శి చాడ వెంకట్‌రెడ్డి

ఈనాడు, హైదరాబాద్‌: కేంద్రప్రభుత్వం తీసుకొస్తున్న విద్యుత్తు సవరణ బిల్లును ఉపసంహరించుకోవాలని సీపీఐ రాష్ట్ర కార్యదర్శి చాడ వెంకట్‌రెడ్డి మంగళవారం కేంద్రాన్ని డిమాండ్‌ చేశారు. బిల్లు చట్టరూపం దాల్చితే పేద, మధ్యతరగతి ప్రజలకు, వ్యవసాయదారులకు తీవ్ర నష్టం చేస్తుందని ఆందోళన వ్యక్తం చేశారు. కార్పొరేట్‌ సంస్థలకు విద్యుత్తు సంస్థలను కట్టబెట్టేందుకే ఈ బిల్లును తెచ్చేందుకు కేంద్రం ప్రయత్నిస్తోందని తెలిపారు. పేదలకు ఇస్తున్న రాయితీలను ఎత్తివేసే పరిస్థితి వస్తుందని పేర్కొన్నారు.