బీసీలకు పదోన్నతుల్లో రిజర్వేషన్లు కల్పించాలి: ఆర్‌.కృష్ణయ్య

ఈనాడు, దిల్లీ : కేంద్ర, రాష్ట్ర ప్రభుత్వ ఉద్యోగాల్లోని బీసీలకు పదోన్నతుల్లో రిజర్వేషన్లు కల్పించాలని జాతీయ బీసీ సంక్షేమ సంఘం అధ్యక్షుడు ఆర్‌.కృష్ణయ్య డిమాండు చేశారు. పదోన్నతుల్లో రిజర్వేషన్లు, 16 లక్షల ఉద్యోగాల భర్తీ చేపట్టాలంటూ సంఘం ఆధ్వర్యంలో దిల్లీలోని జంతర్‌మంతర్‌లో బుధవారం ప్రదర్శన, నిరసన దీక్ష చేపట్టారు. ఈ సందర్భంగా ఆర్‌.కృష్ణయ్య మాట్లాడుతూ.. బీసీ ఉద్యోగులకు పదోన్నతుల్లో రిజర్వేషన్ల కల్పనకు పార్లమెంట్‌లో రాజ్యాంగ సవరణ బీసీ వ్యతిరేక వైఖరితో ఆ బిల్లు పెట్టలేదని ఆరోపించారు. కేంద్ర స్థాయిలో 54 లక్షల మంది ప్రభుత్వ ఉద్యోగాలు ఉంటే అందులో బీసీ ఉద్యోగులు కేవలం 4.62 లక్షలు మాత్రమే ఉన్నారని తెలిపారు.