రాష్ట్ర ప్రభుత్వ అప్రజాస్వామిక విధానాలతో అంతర్యుద్ధం

రాష్ట్రపతికి లేఖ అందజేసిన వైకాపా ఎంపీ రఘురామ

ఈనాడు, దిల్లీ: ఆంధ్రప్రదేశ్‌లో రాష్ట్ర ప్రభుత్వం అనుసరిస్తున్న అప్రజాస్వామిక చర్యలతో ప్రజలకు ప్రజాస్వామ్యంపై విశ్వాసం పోయి అంతర్యుద్ధం వచ్చే ప్రమాదం ఉందని రాష్ట్రపతి ద్రౌపది ముర్ముకు వైకాపా ఎంపీ రఘురామకృష్ణరాజు తెలిపారు. రాష్ట్రపతి ముర్మును తన సతీమణి రమాదేవితో కలిసి ఎంపీ శుక్రవారం కలిశారు. ఈ సందర్భంగా తన అరెస్టు, కస్టడీలో చిత్రహింసలు పెట్టిన తీరు, రాష్ట్ర ప్రభుత్వం చేస్తున్న అప్పులు, నిధుల మళ్లింపు అంశాలను ఆయన వివరించారు. ఈ మేరకు అయిదు పేజీల లేఖను రాష్ట్రపతికి అందజేశారు.