రిబ్బన్‌ కటింగ్‌ తప్ప.. మీరు తెచ్చిన పరిశ్రమలేవి?

తెదేపా రాష్ట్ర అధ్యక్షుడు అచ్చెన్నాయుడు విమర్శ

ఈనాడు, అమరావతి: గత ప్రభుత్వ హయాంలో తెచ్చిన కంపెనీలకు ముఖ్యమంత్రి జగన్‌ రిబ్బన్‌ కట్‌ చేసి, అది ఆయన ఘనతగా చెబుతున్నారని తెదేపా రాష్ట్ర అధ్యక్షుడు కె.అచ్చెన్నాయుడు ఎద్దేవా చేశారు. ‘‘కియా మోటార్స్‌, హీరో మోటార్స్‌, అశోక్‌ లేలాండ్‌, ఇసుజు, అపోలో టైర్స్‌, టీసీఎల్‌, యొకొహామా... ఇలా గత ప్రభుత్వం తెచ్చిన కంపెనీలన్నింటికీ రిబ్బన్‌ కటింగ్‌ చేయడం తప్ప జగన్‌రెడ్డి ప్రభుత్వం తెచ్చిన కంపెనీ ఒక్కటైనా ఉందా?’’ అని ఆయన మంగళవారం ట్వీట్‌ చేశారు.

లీగల్‌సెల్‌లో మరో ఇద్దరికి చోటు

తెదేపా లీగల్‌సెల్‌ రాష్ట్ర కార్యనిర్వాహక కార్యదర్శులుగా నెల్లూరు గ్రామీణ నియోజకవర్గానికి చెందిన శ్రీహరి నారాయణ, నెల్లూరు నగరానికి చెందిన    చెన్నమనేని మురళిలను నియమించినట్టు పార్టీ రాష్ట్ర అధ్యక్షుడు అచ్చెన్నాయుడు ఒక ప్రకటనలో తెలిపారు.