తెరాసకు పలువురు ప్రజాప్రతినిధుల రాజీనామా

బెజ్జూరు, న్యూస్‌టుడే: కుమురం భీం జిల్లా బెజ్జూరు మండలంలోని పలువురు ప్రజాప్రతినిధులు తెరాస ప్రాథమిక సభ్యత్వానికి రాజీనామా చేశారు. స్థానిక సమస్యలు పరిష్కారం కావడం లేదనే మనస్తాపంతో ఈ నిర్ణయం తీసుకుంటున్నట్లు వారు మంగళవారం రాతపూర్వకంగా తెలిపారు. తమ రాజీనామా ఆమోదించాలని కోరుతూ తెరాస జిల్లా అధ్యక్షుడు, ఎమ్మెల్యే కోనేరు కోనప్పకు లేఖ పంపనున్నట్లు బెజ్జూరు జడ్పీటీసీ సభ్యురాలు పద్రం పుష్పలత, కుశ్నపల్లి ఎంపీటీసీ సభ్యుడు ఆత్రం సాయన్న, సుశ్మీర్‌, సోమిని, మొగవెల్లి సర్పంచులు శంకర్‌, శారద, మంగళ, కాగజ్‌నగర్‌ మార్కెట్ కమిటీ డైరెక్టరు నైతం సత్తయ్య, పీఏసీఎస్‌ డైరెక్టరు శ్రీహరి తెలిపారు.