ఎమ్మెల్యే శ్రీదేవి అవినీతిపై విచారణ జరిపించాలి

వైకాపా నేతల డిమాండ్‌

మేడికొండూరు, న్యూస్‌టుడే: గుంటూరు జిల్లా తాడికొండ ఎమ్మెల్యే ఉండవల్లి శ్రీదేవి పనితీరుతో పార్టీకి తీరని అన్యాయం జరుగుతుందని వైకాపా నేతలు ఆరోపించారు. మేడికొండూరులో శనివారం వారు విలేకరులతో మాట్లాడారు. మేడికొండూరు జడ్పీటీసీ సభ్యుడు కందుల సిద్ధయ్య మాట్లాడుతూ శ్రీదేవి పార్టీ పదవులు అమ్ముకుంటున్నారని ఆరోపించారు. ఆమె అవినీతిపై అవినీతి నిరోధక శాఖ (అనిశా) విచారణ జరిపించాలని డిమాండు చేశారు. నియోజకవర్గంలో ఏదైనా పని జరగాలంటే ఎమ్మెల్యేకు ముందుగా డబ్బులు చెల్లించాలన్నారు. మండల పార్టీ ప్రచార కమిటీ అధ్యక్షుడు సుబ్బారెడ్డి మాట్లాడుతూ పార్టీ అధిష్ఠానం దృష్టికి తీసుకెళ్తామన్నారు.