దోపిడీకి ప్రైవేట్‌ లిమిటెడ్‌ కంపెనీ

జగన్‌పై కన్నా లక్ష్మీనారాయణ ధ్వజం

అచ్యుతాపురం, న్యూస్‌టుడే: రాష్ట్ర సంపదను దోచుకోడానికి సీఎం జగన్‌మోహన్‌రెడ్డి ప్రైవేటు లిమిటెడ్‌ కంపెనీ ఏర్పాటు చేశారని భాజపా రాష్ట్ర మాజీ అధ్యక్షుడు కన్నా లక్ష్మీనారాయణ విమర్శించారు. అనకాపల్లి జిల్లా అచ్యుతాపురం మండలం పూడిమడకలో సోమవారం భాజపా ఆధ్వర్యంలో ప్రజాపోరు కార్యక్రమానికి ఆయన ముఖ్య అతిథిగా హాజరై మాట్లాడారు. ‘రాష్ట్ర సంపదను లూటీ చేస్తున్నారు. ఇసుక, మద్యం, గనులు, ఎర్రచందనం, సముద్ర సంపదతో వ్యాపారం చేస్తున్నారు. రాష్ట్ర ప్రజలకు చాక్లెట్‌ ఇచ్చి నెక్లెస్‌ ఎత్తుకెళ్లిన చందంగా పేదలకు రూ.10 అందించి విద్యుత్తు బిల్లులు, ఆర్టీసీ ఛార్జీలు, నిత్యావసర వస్తువులు, పెట్రోల్‌, డీజిల్‌తోపాటు చెత్తపై పన్నువేసి ప్రజల రక్తాన్ని పిండేస్తున్నారు’ అని కన్నా ధ్వజమెత్తారు.