బొప్పాయి కొట్టులోనూ పేటీఎం ఉంటోంది.. బ్రాందీ షాపులో ఉండట్లేదు: సోము వీర్రాజు

ఈనాడు, అమరావతి: ‘బ్రాందీ షాపు వద్ద బొప్పాయి కొట్టులో పేటీఎం ఉంటుంది. కానీ బ్రాందీ షాపులో పేటీఎం ఉండదు. సగం డబ్బు ఇంటికి, సగం ప్రభుత్వానికి వెళ్తుంది. ప్రజల వద్ద నుంచి నెలకు రూ.10వేల చొప్పున రూ.1.2 లక్షలు తీసుకుంటున్నారు. ఆ డబ్బునే బటన్‌ నొక్కి వెనక్కి ఇస్తున్నారు....’ అని భాజపా రాష్ట్ర అధ్యక్షుడు సోము వీర్రాజు తీవ్రంగా ధ్వజమెత్తారు. గుంటూరు, మంగళగిరిలో మంగళవారం భాజపా చేపట్టిన ప్రజాపోరు యాత్రలో ఆయన మాట్లాడారు. ఇసుక, మద్యం, బియ్యం ఇలా అనేక రకాలుగా దోపిడీ చేస్తూ రాష్ట్ర ఖజానాను ఖాళీ చేస్తున్నారన్నారు. రాజధాని అమరావతి సాధనకు తమ పార్టీ కట్టుబడి ఉందన్నారు.