కొవిడ్‌ మృతుల కుటుంబాలవారు నష్టపరిహారానికి అర్హులు కారా?

ప్రధానమంత్రి జీ! కొవిడ్‌ మహమ్మారిని మీ ప్రభుత్వం సమర్థంగా నిర్వహించని కారణంగా దేశంలో ఎంతోమంది మృత్యువుపాలయ్యారు. బాధిత కుటుంబాల వారు నష్టపరిహారం పొందడానికి అర్హులు కారా? వారి హక్కును మీరెందుకు కాలరాస్తున్నారు? తండ్రిని కోల్పోయిన కర్ణాటక గుండ్లుపేట్‌కు చెందిన చిన్నారి ప్రతీక్ష ఆవేదన విన్నారా?

- రాహుల్‌గాంధీ

చిట్టచివరి వ్యక్తినీ చేరదీయడమే మా లక్ష్యం

పండిట్‌ దీన్‌దయాళ్‌ ఉపాధ్యాయ్‌ అంత్యోదయ భావజాలం, సమగ్ర మానవతావాదాన్ని అమలు చేయడమే మా లక్ష్యం. మోదీ ప్రభుత్వం సమాజంలోని చిట్టచివరి వ్యక్తిని కూడా చేరదీసి, అభివృద్ధి పథాన నడిపించేందుకు ప్రయత్నిస్తోంది.

- నితిన్‌ గడ్కరీ

భాజపా పాలనలో ప్రజలు ఇప్పటికే 5జీ అనుభవిస్తున్నారు

దేశ ప్రజలు కాషాయ పార్టీ పాలనలో పేదరికం, కుంభకోణాలు, మోసం, అబద్ధాలు, తప్పుడు మాటలు అనే 5జీ సేవలతో సతమతం అవుతున్నారు.       

- అఖిలేశ్‌ యాదవ్‌