సోనియా, రాహుల్‌ నకిలీ గాంధీలు

కర్ణాటక ముఖ్యమంత్రి బసవరాజ బొమ్మై

ఈనాడు, బెంగళూరు: గాంధీ జయంతి రోజున సోనియాగాంధీ, రాహుల్‌గాంధీ, డీకే శివకుమార్‌ వంటి నకిలీ గాంధీల గురించి మాట్లాడాల్సిన అవసరం లేదని కర్ణాటక ముఖ్యమంత్రి బసవరాజ బొమ్మై వ్యాఖ్యానించారు. భారత్‌ ఐక్యతా యాత్రలో కర్ణాటక ప్రభుత్వంపై రాహుల్‌గాంధీ చేసిన ఆరోపణలపై ఆదివారం ముఖ్యమంత్రి బొమ్మై స్పందిస్తూ..సోనియా గాంధీ, రాహుల్‌ గాంధీ, డీకే శివకుమార్‌లు బెయిల్‌పై ఉన్నారని, గాంధీ జయంతి రోజున ఈ నకిలీ గాంధీల గురించి ఎందుకు మాట్లాడాలన్నారు. దేశమంతా ఉనికిని కోల్పోయిన కాంగ్రెస్‌ పార్టీ రానున్న ఎన్నికల్లో నిధుల కోసం కర్ణాటకను ఏటీఎంగా మార్చిందని ఆరోపించారు. ముఖ్యమంత్రి వ్యాఖ్యలను కేపీసీసీ అధ్యక్షుడు డీకే శివకుమార్‌ ఖండించారు.